الى أميرتى

من اجل عينيك

عشقت الهوى

ولاجل عينيك

كانت هذه التدوينة

أحبك

التاج

اسمك؟

محمد


سنك؟

22


اسم مدونتك؟

قلمى العزيز


مجال دراستك؟

تجارة ( محاسبة )




فكرت في اغلاق مدونتك؟ والسبب؟

لا مافكرتش

واكيد ما عنديش سبب لكده
لما يبقى عندى سبب مقنع هقفلها

ايه رد فعلك لو حد قل ادبه عليك في المدونه؟


اول حاجة همسح التعليق
وبعد كده هحاول اناقشه ليه عمل كده وبعدها هاخد قرارى معاه

هيحصل ايه لايميلك بعد ماتموت؟



أكيد الايميل الشخصى بتاعى هيموت
انما فى ايميل تانى خاص بمكان تانى انا فيه أكيد اللى بعدى هيكملوا
ان شاء الله

اديت الباسورد لحد قبل كده؟


اه اديته
هوا انا طبيعتى غير كده
انما اللى اديته الباسورد اكيد كنت بثق فيه



السفر بالنسبه لك؟


عشقى الابدى
ساعات كتير بحسه اقرب حاجة لشخصيتى
وما اعتقدش انى ممكن عشقى للسفر يقل
لانه زى ما بيقولوا فى السفر سبع فوائد


المود بتاعك ايه؟


دائما وابدا الحمد لله


بتعمل ايه وقت فراغك؟

حاجات كتير بحبها
زى النت
والقرايه
وساعات بكتب




الاكلات المفضله؟

بموت فى المحشى
وكمان الفراخ
ومؤخرا بقيت بحب البيتزا اوى
واخيرا بقى المكرونة

الصفات التي اخدتها عن والدك؟

الثقة بالنفس
القيادة
وساعات ببقى صلب
ونسيت كمان الابتسامه



الصفات التي اخدتها عن والدتك؟

الطيبة
التلقائية


اكتر 6 حاجات بتحبهم؟

مش عارف احدد بصراحه
بس انا بحب حاجات كتير
يعنى كل حاجة حلوة فى حياتى اكيد بحبها
بس اعتقد انى بحب الخير اوى





اكتر 6 حاجات بتكرهم؟


هوا اكتر حاجة بكرها هيا الظلم
لانه اساس اى صفه مش كويسه
يعنى الكذاب بيبقى ظالم
والقاتل بيبقى ظالم
بس انا بتغاظ اوى من الكدب والنفاق والرياء

شخصيتك نوعها ايه؟

ياباب يا مقفول امتى الدخول
صبرت ياما واللى يصبر ينول
دقيت سنيين والرد يرجع لى مين ؟
لو كنت اعرف مين أنا كنت أقول


اعتقد انى شخصيه تفاصيلها كتير


لماذا دخلت عالم التدوين من الاساس؟

علشان بحب الكتابه




اهميه التعليقات بالنسبه لك؟

أكيد ببقى مبسوط لما حد يعلق عندى
وخصوصا لو عجبه موضوع ما





احلي بوست كتبته مع ذكر السبب؟

لم يأتى بعد
بس كفايه قريب لحالة كنت بعشها وقتها


اهميه الانترنت بالنسبالك؟

عالم ملئ بالاسرار والاجابات
اعتقد انى مدمن انترنت


اهداء التاج؟

مصطفى
مجاهد
دعاء
واللى عنده مدونه ولسا ما جالوش تاج

شكرا لمى ( حلم كان )
على اول تاج
اعتز به كثيرا
ومردودالك ان شاء الله

عيد ميلادى

السلام عليكم

فى البداية عايز اقول....

ان البوست ده متأخر شوية بالتحديد متأخر 20 يوم بالتمام والكمال

لانى مواليد 3/11 والنهاردة 23/11

وعايز اقول كمان للمدونة

كل سنة وهى طيبة لان عيد ميلادها يوم عيد ميلادى

المدونة بقالها دلوقتى سنة

صحيح انا مقصر اوى فى حقها بس انا فعلا منتمى اليها وبحبها

لانها كانت افضل هدية جاتلى السنة اللى فاتت فى عيد ميلادى

وعايز اقول كمان انى بقى عندى 22 سنة مش عارف ليه يومها بالذات حسيت انى كبير اوى

بس خلاص دلوقتى بدأت اتعود على الرقم الجديد ده اللى دخل حياتى

ماعملتش حفلة لعيد ميلادى السنة دى زى كل سنة يعنى

لانى ماعملتش غير مرة واحدة وكانت السنة اللى فاتت

وفى الاخر عايز اقول لنفسى بقى

كل سنة وانا طيب وبخير

وقريب من ربنا ومن فعل الخير

ومع كل الناس اللى بحبهم وبيحبونى

وهقول كمان

دعوتى اللى دايما بدعيها

ربنا يهدينى

ويصلح حالى

ويغفر لى ذنوبى

امين

ملحوظة صغنونة بقى

الصورة اللى فوق دى كانت لتورتة عيد ميلادى اللى فات

اتفضلوا معانا........

!!!!!!!!!!!!!كفاية

الاول

اتمنى له المرض

مع انه مريض أساسا

والتانى

دعى ربنا يتنتقم منه

مع انه ما عملوش حاجة

والتالت

قال ماعنديش حاجة اقدمهالك

في عز ما كان محتاجه

والتلاتة

دول أقرب تلاتة في حياته

أظن كده

كفاية

مهموم ......؟؟؟

سئل

الإمام علي بن أبي طالب عليه السلام

ماأعظم جنود الله ؟؟

قال:إني نظرت إلى الحديد فوجدته أعظم جنود الله،

ثم نظرت إلى النار فوجدتها تذيب الحديد

فقلت النار أعظم جنود الله

ثم نظرت إلى الماء فوجدته يطفئ النارفقلت الماء أعظم جنود الله،

ثم نظرت إلى السحاب فوجدته

يحمل الماءفقلت السحاب أعظم جنود الله،

نظرت إلى الهواء وجدته يسوق السحاب

فقلت الهواء أعظم جنود الله،ثم نظرت إلى الجبال فوجدتها تعترض

الهواءفقلت الجبال أعظم جنود الله،ثم نظرت إلى الإنسان فوجدته يقف على

الجبال وينحتها فقلت الإنسان أعظم جنود الله،ثم نظرت إلى ما يُقعد الإنسان فوجدته

النوم فقلت النوم أعظم جنود الله،

ثم وجدت أن ما يُذهب النوم فوجدته الهم والغم فقلت الهم والغم أعظم جنود الله،

ثم نظرت فوجدت أن الهم والغم محلهما

القلب فقلت القلب أعظم جنود الله،ووجدت هذا القلب لا يطمئن إلا بذكر الله

فقلت أعظم جنود الله ذكر الله

(الذين امنوا وتطمئن قلوبهم بذكر الله ألا بذكر الله تطمئن القلوب)

اللهم اعنى على ذكرك وشكرك وحسن عبادتك

يارب

لن اقل عندى هم كبير

لانك سبحانك اكبر من كل كبير

يالله

لن اسل احد من عبادك ان يخفف همى

ولن اشكى الى احد من عبادك حزنى

ولكنى أسالك انت يالله

يامزيل الهموم

اللهم ازل همى

يا ارحم الراحمين

يالله

لهذا أكتب ....

ذات مرة قررت أن أتخلى عن قلمي ....

كانت الأسباب كثيرة وحينها كنت مقتنعا به...

ولهذا قررت ألا أكتب احتراما ل قلمي العزيز...

أتذكر أخر مرة كتبت فيها كانت منذ عامين تقريبا كنت أواجه بعض العقبات لم يكن بمقدورى أن أتغلب عليها وحدي.

لا اعرف لماذا لم يكن في استطاعتي التغلب عليها....؟

هل هو ضعفي..؟

أم هي ظروفي...؟

ولما لا تكون هي افكارى ...؟

بحثت في أوجه حياتي المختلفة لم أجد أحدا يساعدني ويقف إلى جواري في هذه المحنة لم أجد سوى..

قلمي العزيز ..

طلبت مساعدته وكان نعم الرفيق والصديق كما عاهدته من قبل كان أهم ما يشغل ذهني

حينها هو البحث عن حقيقة الظروف التي أواجهها وحجمها الطبيعي

كان البعض شخصي ..

وأخر عائلي....

وثالث يتعلق بأحد أهم احلامى في هذه الحياة .

أتصدق قلمي العزيز بأن هذا الحلم قد تحقق بفضل الله وعونه ..؟

والجزء الخاص بالعائلة أصبح أفضل قليلا.

أما الجزء الشخصي فأعتقد أنه تطور كثيرا إلى الأفضل ولكن هناك المزيد لابد أن يتحقق في

الأيام القادمة بعون الله ومشيئته

.
وبعد عامين نفس الظروف تجعلني أعود إليك وفي هذه المرة لابد أن ترى شيئا مختلفا

أعدك بهذا...

ستبقى رفيقي إلى الأبد أعدك صديقي بأنه لن يجعلنا نفترق مرة أخرى سوى موتى أنا

أما أنت سأنتظرك هناك حيث أتمنى أنها...

الجنة ..

أعرف بأنك ستأتي

أعرفك جيدا

ولهذا أثق بك وسأنتظرك

يوما سأراك هناك

وستصبح كل الكلمات حقائق

وكل الأمنيات واقع

وسنرى عالم أخر

عالم أتمناه .

وتتمناه..

ويتمناه كل ذو عقل سليم

عالم نقى ..

برئ ...

طاهر ..

والاهم انه بدون

ظلم

قلمي العزيز

قلمي العزيز


آه ياقلم ياالى بألمى عارف
بحكيلك على كل جرح وم الخيانة مش خايف
بتشوف الجرح في عينى بلاقيك لمهنتك شايف
علشان كده بحبك يا قلم وحبى لك جارف

عملت المدونة دى علشان قلمي
بيسمعنى ..
وبيفهمنى ...
وبيحبنى ....
وبيحفظ أسراري .....

بسم الله

بسم الله وعلى بركة الله نبدأ

وعليه نتوكل
وله نحمد ونشكر
وعلى نبيه نصلي ونسلم

اللهم انى أسألك خيرها وخير ماخلقت له

وأعوذ بك من شرها